ذكاء الحريم

صباح السكر
موضوع جميل لكن احب اقول لاختي مون نايت انه صحيح العلاقه الزوجيه قوامها الحب والتفاهم لكن هذا مايمنع ان المراءه تكون حريصه فهذي العلاقه وتعرف تتصرف صح مو بعض المواقف بناً على تخطيط مدروس لان بصرحه على قولتهم الحب مايوكل عيش خصوصا ان الرجل ذو ذاكره قصيرة المدى يعني مو كل شي عواطف وحب لازم الحنكه وشوية دهاء للاسف هذا اسلوب اختاره الرجل للتعامل معه به وشكرا
ولكم ودي وتحيتي

صباحوا تسلموا على مجهوداتكم..وعلى ارائكم...الحياه تجارب..وكل وحده لها قصتها...وكل وحدها لها بيتها..ونأخذ من كل شي اللي يناسبنا

صباح الخير....تسلمي على جهودك وعلى موضوعك الحلو ياشوشو بس بصراحه انا اخالفك الرأي انتي بتتكلمي مع النساء وكأنهم داخلين حرب في زواجهم وفي النهايه هذي تجارب نساء وماهي بالضروره عبره لنا...والعلاقه مع الرجل انا اشوف انها لازم تكون ارقى من كذا...وانتي بتتكلمي بالعموم عن الرجال ومش كل الرجال نفس النوعيه..ولاكل الرجال ممكن يمشي معاهم هذا الاسلوب ...انا باعتقادي انوا بالحب والتفاهم والانسجام بيت الزوجيه يمشي...كل بيت له ظروفه الخاصه وبالتالي تجربه كل أمرأه هي تجربتها الخاصه ومالازم تنطبق على كل النساء...وكمان لكل رجل اسلوبه في التعامل...انا من وجهة نظري ان كل أمرأه تحاول تستوعب زوجها..وتحاول تفهمه..وقبل تكون صديقته..انا ماعتبر ان بعض النماذج اللي عرضيتها هي نماذج لازم الواحد يحتذيها..وماعتبر ان فطنة المرأه وذكاءها يكون بهذي الطريقه...ذكاء المرأه بالنسبه لي انها تحافظ على انوثتها...وانا معاك بأن المرأه لازم تصمد عشان تحافظ على بيت الزوجيه...لكن كمان باشوف ان بيت الزوجيه هوبيت يجمع اثنين...اثنين لازم تكون علاقتهم تفاهم وانسجام...موعلاقة اذا سويتي لي انا حارد لك الصاع صاعين..كذا احنا داخلين حرب مو زواج...او اذا كان كلامك هذا يمشي فهو يمشي في بيت او علاقه ينقصها الحب والتفاهم...يعني انت تعطيني وانا اعطيك..يعني زواج ناقص حب وحنان واحترام....في هذي الحاله ممكن يمشي كلامك...