مشكلة العنوسة .. ارتفاع تكاليف حفلات الزفاف

السلام عليكم ورحمة الله وبركاته ،،،


العنوسة في ازدياد .. مع العلم بأن أحداً منا اذا أراد أن يقوم بحجز قاعة أو قصر أفراح سيدرج اسمه ضمن قائمة الانتظار لأشهر .. مجتمع لم يستطع أن يتقبل الواقع وأصر على أنه لابد من أن يحمل الشاب متاع الدين لسنين معه في رحلة النصف الآخر .. يتجمع المئات في مكان واحد ولأهداف متعددة ولكن للأسف أغلبها لا يخرج عن الأكل والرقص والغيبه واستعراض مهارات الانتقاد .. ما ذنب الشاب وماذنب بناتنا وهن قد فاتهن قطار الزواج لأن غالبية الشباب لا يستطيعون دفع ثمن تذكرت ذلك القطار ...

موضوع أضعه رهين أفكاركم ليدلو من يشاء بدلوه ..

احترامي للجميع ...

يسعدني اكون اول رد بموضوعك الرائع فعلا تكاليف الزواج اصبحت عبء على الشباب حتى أصبح الزواج حلماً لملايين الشباب في مجتمعاتنا سرعان ماينجلي عن واقع مؤلم يضع العراقيل أمام حاجات الشباب الفطرية. هذه المشكلة ألقت بظلالها على مجتمعنا ونحن بحاجه إلى حلول عملية واقعية ناجعة أكثر من حاجتنا إلى الكلام النظري .... مازلنا من الذين يقولون مالايفعلون

لا أعلم اذا كان هذا السبب هو فعلا سبب العنوسه في مجتمعنا او اذا كانت العنوسه موجوده بشكل كبير فهي تختلف من نظرة مجتمع الى اخر..ولا اعلم على اي اساس تخرج هذا الاحصائيات...فبعض المجتمعات يفضلون تأخير سن الزواج...والكثير يدخل الفتاه في العنوسه قبل بلوغها الخامسه والعشرين...اما بالنسبه لتكاليف الزواج فهو بالتأكيد يعود ايضا الى المشكله الاقتصاديه التي يعيشيها المجتمع...ولكن اعتقد ايضا ان هنالك مبالغه في تكاليف الزواج ...احيانا رغم انها تكون مقبوله..مثل المهر او حفلة الزواج او السكن او تأثيث المنزل...كلها الان خارجه عن طاقة الشباب الماديه...وذلك بسبب التضخم الاقتصادي الذي نعيشها والذي ادى الى ارتفاع الاسعار..والبعض ايضا يفضلون الارتباط بفيتات اصغر منهم بالعمر تاركين مثيلاتهم بالعمر...حلو الطرح ويعطيك العافيه...

ذكرتوني بحملة خلوها تعنس ههههههه
هو لو الاهل يحكموا عقلهم شوي ويحطوا انفسهم مكان الشباب ويقدوا ظروفهم
كان كل امورنا تمام
لو بدا فيها واحد واحد راح تمشي الامور ويتعود عليها الناس <<<<اقصد المهور وتكاليف الزواج
ولا ننسى كلام رسول الله صلى الله عليه وسلام
(اعظمهن بركه ايسرهن مئونه)

وصدقوني راح يجي اليوم ويتحقق حلمي
وتشفون البنات واهاليهم يجرون ورانا
ويدفعون اللي قدامهم وراهم

انا من وجهة نظري عادات الزواج كليا بمجتمعنا ادت الى تاخر الزواج ليس فقط ارتفاع التكاليف فنحن في مجتمع تسوده مباديء وعادات وضعت منذ زمن بعيد لاتتناسب مع واقعنا وايضا مجتمعنا يحب الماديات على حساب سعادة الاخرين ...على الرغم ان الماديات لاتصنع سعااااده

تقبل مروري ....

للاسف ان نحن مجتمع دائما يهتم بالمظاهر متجاهلا اهمية ان الزواج ليس فقط ليلة واحدة بل هو عمر باكمله..اعتقد ان تكاليف الزواج مبالغ فيه واصبحت عبء على الشباب بسب ايضا ارتفاع المعيشه وتواضع رواتب الكثير من الشباب...لكن لويهتم المجتمع قليلا بمسأله تناسب هذين الزوجين اكثر من اهتمامه بالمظاهر...لكانت قلة مشكلة الطلاق في مجتمعنا...ولكان صرنا عايشين براحه اعتقد انه لابد لنا من تغير الكثير من العادات الباليه في موضوع الزواج لانه الشباب والبنات اتغيروا وصار همهم هو فعلا البحث عن الشريك المناسب الذي يضمنون استمرايتهم معه...

والله للااسف صارت حفلات الزفاف عندنا زي مسابقات الجمال مين راح يكون الاحلى..بصراحه الشعب السعودي شعب مايستاهل احد يعشيهم ولاهم شعب يجون الفرح عشان يفرحون لك... فانا اشوف ان كل هذي التكاليف ماله داعي...اذا كانت اللي معاي وحده انا مبسوط معاها فاسفرها بفلوس حفلة الزواج احسن من اني اخلي الفلوس تروح على ناس ماراح يتمنون لنا الخير... وشكرا

بداية أشكركم على تفاعلكم مع هذي المشكلة وكان لكل واحد وجهة نظره التي تحترم ..

مسألة ارتفاع التكاليف مش السبب الرئيسي ولكنها تمثل عقبة تواجه غالبية شبابنا .. مع ان الكل عارف انه متى ما قلت التكاليف زادت البركه وتسهلت أمور الزواج ..

.المجتمع هو حكايتنا .. إدعاء المثالية عنوانه ومستنقع الأخطاء مضمونة ..


مسألة التعارف قبل الزواج واعطاء المساحة والحرية للطرفين عشان كل واحد يعرف اذا كان الثاني يصلحله ولا لا مفيده بس عمرها ماكانت مقياس لنجاح الزواج .. العشرة وبداية تحمل المسئوليات الخ .. هي اللي تحكم استمرارية الزواج من عدمها ..

ايش فيها لو سوينا زواجاتنا ببيوتنا ولا عشان نقول زحمه نخليها بإستراحه ..

عادات المجتمع حين كانت تطبق بنية طيبة ومن قبل ناس نظيفه من الداخل ما كانت تشكل أي عائق للزواج .. التغيير صار بالنفوس

آسف للإطالة عليكم بس حبيت أوضح وجهة نظري ..

شكراً مرة آخرى لكل من تفاعل معي هنا ..

احترامي للجميع ،،،

بصراحه انا احسك متناقض في عادات المجتمع *انا برد عليك من هاذي النقطه الي انا ذكرتها بردي الاول * انت ضد عادات المجتمع فالبدايه لمن ذكرت المجتمع هو حكايتنا .. إدعاء المثالية عنوانه ومستنقع الأخطاء مضمونة وبالاخير ذكرت عادات المجتمع حين كانت تطبق بنية طيبة ومن قبل ناس نظيفه من الداخل ما كانت تشكل أي عائق للزواج .. التغيير صار بالنفوس طبيعي المجتمع يتغير تبعا لتغير النفوس زمان الناس تتبع العادات وهيا مغمضه وتبغى تصير باي شكل تابع اما الان مجتمعنا صار منفتح ومازلنا نعيش في وحل العادات القديميه وهاذا الشي سبب الكثير من المشاكل مو بس بموضوع الزواج
انا بئيد كلامي بمثل لمن البنت تنجبر على ولد عمها وهوى مو متناسب معاها بالتفكير موعاده غلط ناهيك عن العنصريه الجاهليه وهاذا موضوع يطول الكلام فيه وبعدين انتا مركز على موضوع التكاليف انتا كانك حصرت سبب العنوسه بارتفاع تكاليف الزواج اي نعم عائق بس مو بصوره كبيره والي يسوي شي يكون قدوه ولا لايسويه من البدايه ولاتنسى انو انتا تفكر بعقل رجل واحنا نساء ونحب المظاهر *النساء عادة يقسن الحب بالماديات * وهاذا شي معروف ومايختلف عليه اثنين وبالنسبه لماذكرتوه في ردي السابق الماديات لاتصنع سعاده انا اتكلم بوجه العموم اما في موضوع ليلة الزواج لاوالله انا في مجتمع وبالاخير لازم نسايره شئنا ام ابينا واتوقع كل بنت تحب تكون ليلتها كبيره ومميزه لانها ليله بالعمر ... اسفه عالاطاله واتمنى تتقبل كلامي بصدر رحب

بصراحه احس ان شي مو منطقي موضوع ان الواحد يسوي زواجه في بيت او استراحه...يعني انا ضد المبالغه
في تكاليف الزواج بس مو لهذي الدرجه...وبعدين احس الموضوع ضاع هو العنوسه او تكاليف الزواج***

هلا فيكم جميع ومنورين الموضوع .. وشيء جميل ان نتناقش ونختلف بس بالنهاية نوصل لخلاصه نستفيد منها كلنا ان شاء الله ..

اول شي الموضوع بيتكلم عن العنوسه + ارتفاع تكاليف الزواج وما يترتب عليها ... بالنسبة لحكاية زواج بالبيت ولا باستراحة هذي قناعة شخصية وحاجة اتمنى اشوفها تبدأ بمجتمعنا لأنه بجد فيه ناس كثير حتى حق قصر الأفراح ما عندهم ويكون ولدهم براتب 3000 ولا 4000 وما يحتاج اشرح الظروف اللي بدأ يمر فيها مجتمعنا الموقر اللي مازال يقدس زواجات القاعات الكبيرة بتكاليفها .. اللي يقدر محد راح يقله ليش وليش .. كمان فيه ناس معازيمهم أو نفس العائلة تكون ما شاء الله كبيره وطبيعي يسوو زواجاتهم بمكان يقدر يستوعب الناس اللي راح اكيد تحضر ... ما اختلفنا .. بس كمان اللي ماعنده حق التكاليف بس يقدر يصرف على زوجته ويسكنها بشقه ويمشي حاله حبه حبه هذا الشخص ايش ذنبه ؟

العادات والتقاليد نتمسك بالطيب فيها ونترك المتحجر منها ... مو كلها صحيحة ومو كلها فاسدة ... لقيت الشخص اللي تتمناه يكون شريك حياتك تقدم له او خليه يتقدملك ... والحياة ماتعلم ببلاش

أطلنا عليكم واتمنى تكون الصورة وضحت اكثر ...

احترامي لكم ولآرائكم ..

كل شخص له تجربته الخاصه...وظروفه الخاصه....الخيار يرجع للشريكين كيف يقرروا كيف تكون حياتهم...وكيف يتمنون ليلة عمرهم...كل الطرح اللي انطرح منطقي بس اللي مو منطقي زواج الاستراحات...بصراحه كل اللي الرجال اللي يتزجوا بالاستراحات يكون زواجهم مشي حالك...يكون غالبا زواج متعه او يكون الزواج الثاني..وانا اعتبره ظلم من وجهة نظري كأمرأه...اذا كان الشخص اللي معاي يحبني فهو اكيد مستعد يفرحني بليلة عمري ...واكيد راح يسوي لي ليلة كبيره...وغير انوا احنا مجتمعات كبيره...فطبيعي انك راح تعزم جماعاتك كلهم..ولاترى يشرهون عليك..

أميرة الورد ...

اسعدني مرورك

هل من المنطقي أن يبقى الشاب رهينة ديون ستشاركه الحياة واللي بتكون هدية اجبارية مع العروس ..

مسألة انه يسعد شريكة حياته بقاعة أفراح اعتقد انه الصح يسعدها بالعشرة الطيبة ..

حكاية الجماعة وشرهتهم عليك هذي مشكلة كبيرة .. وحلها بيد الناس ( محتاجين نتصارح )


احترامي

شئنا ام ابينا..تكاليف الزواج مبالغ فيه بشكل كبير...يعني الشاب يطامر الين مايلقى وظيفه ومايلقاه الا في سن متأخره ...وبراتب متواضع....هذا الراتب راح يكون لايش ولا لايش...اقصاد السياره....ولا مصاريفه اليوميه...ولا بللبيت الزوجيه اللي بيفتحه...يعنى لو المجتمع يقدرشوي ويحط يده بيد الشاب اللي بيكمل نص دينه وبيعف نفسه عن الحرام...ياليت يكون تركيزنا على مابعد ليلة الزواج ...وعلى اي اسس مبني هذا الزواج...ليش يحمل الشاب فوق طاقته ويدخل عش الزوجيه وهو مثقل بالهموم والديون...وشكرا