قالت انتبه باقي على شفتك روج

يا عين من حطيت عيني بعينه
و أبطيت واقف في بحر عينها موج...

أبحرت في عينه بليا سفينة
سجيت فيها لين ضيعني الموج...

حاولت ألد الشوف عما يهينه
ولا انتبهت إلا و أنا فيه مهيوج...

شفت الفتن في ملتقى حاجبينه
والسحر في عينه مع الزين مدموج...

اسود سواده لا بسته السكينة
وابيض بياضه طايش اللون مرجوج...

زاوية طرف حاجز ٍ دمعتينه
لولاه كان الخد بالكحل ممزوج...

كاسيه رمش ٍ زاد ملحه وزينه
من فوق متكحل ومن تحت مدعوج....

بين الرموش السود شفت الغبينه
واللي رماه الرمش ماعاد له بوج....

مرت ثواني من حياتي ثمينه
و أنا أتهادى بين الأشواق و أدوج...

مرت و أنا قابض على راحتينه
واقف مقابل لها وساهي و مدلوج....

مدري وش اللي صار بيني وبينه
والقلب ما رده أضلوعي العوج ...

ولا انتبهت إلا بسحبة يدينه
قالت أنت تبغى الناس تلحقني بهروج....

قلت اعذرِي اللي شافك الله يعينه
يبطي ودمعه بعد الفراق مزعوج....

عينك بنظرات الغلا مستهينه
قالت غلاك في داخل القلب منسوج....

قلت الوعد قالت كل شي بحينه
الله يفتح لك من الضيقة افجوج....

قالت آآه .. طيب شف لي الدرب وينه
و قالت انتبه باقي على شفتك روج...

بجد رائعه هالقصيده فيه سحر ورمانسيه
استمتعت وانا اقراها
مشكوررررر سااامي

بجد قصيده رائعه وتصوير رائع
يعطيك العافيه بجد اختيارك رائع

» قالت تركد يالمقرود عندي نظر لاتبلاني }