يوم هبّ الوقت وأعماني عجاجه
..................الفرج عيّا .. وأنا بالصبر راهي !
ويوم مال وطاآاآل ميله وأعوجاجه
.................رحت أدوّر شي ٍ يشد إنتباهي !
وشفت زولك مقبل ٍ مثل إنفراجه
....................كنّه اللي جايبٍ عزّي و جاهي
ياآاآه ياضيقات صدري وإبتهاجه
.................تذكر آخر مرة ٍ شفتك ..متى هي !
صاحبك من يومها زاد إحتياجه
...............وأمتطى ظهر المصايب والدواهي !
سولف الليله على قلبي و ناجه
.............من بقى لي غيرك أفخر به وأباهي !
يابعد من كدّر غيابي مزاجه
.................ويابعد من مرّت حروفه شفاهي !
رغم حيرة قلبك ورغم إنزعاجه
................الزمن .. ماغيّر احساسه تجاهي !
ورغم وحشة بعدك ..و ( قسوة سياجه )
.....................كل حاجه فيك ظلّت مثل ماهي !
الخجل في وجهك أول مـ نتواجه
................والبراءه في عيونك وأنت ساهي !
وبسمتك لامن بغيت تقول حاجه
..................وغيرتك لاشفت كنّي عنك لاهي !
قبل أشوفك .. والزمن عاقد حجاجه
........أسأله : وش فيك ؟! وألقى العذر واهي !
ويوم شفتك قلت للوقت وعجاجه :
................هيه ياللي في طعونك كنت راهي !
أنت لو غيّرت فينا ألف حاجه
................القلوب( البيض ) تبقى مثل ماهي !
ممـآ رآآق لــي ..~
الجمعة أبريل 15, 2011 11:46 am من طرف MISS AL_ahmadi
موضوع: يابعد من كدّر غيابي مزاجه ويابعد من مرّت حروفه شفاهي ! 