|[فيهَآ غنَج سآذجْ عَلَـى مَلعنـَة جَـد..عَلَى شوٍيـَة شًيطَنـة مَـع شقـَآوٍه ~

من ناحية صعبة فهي صعبة بجد --- وان جت على حلوه فهي اخر حلاوه

فعلا طويله بس ما هي بـ..هالقد --- طول الاف باول حروف الغلاوه

جمرة حشا مقصوصة مجدل اتعد --- شقراء على كم خصلة كستناوه

اليا اقبلت لي بعضها في بعضها اشتد --- بينه وله لهفة وغيرة وعداوه

وان جت تلفت طاح ضد على ضد --- الين يغشى الليل صبح النقاوه

فلجا ثغر.. عنجا حور.. مهملة قد --- في عودها اقسى لين والين قساوه

عكفا هدب.. زينة عتب.. زاهبة رد --- فيها الهدايه والهدى والهداوه

لاسولفت سمى على انفاسها الند --- وكفوفها تمسي الندى بالنداوه

فيها غنج ساذج على ملعنة جد --- على شوية شيطنة مع شقاوه

من حدة الفتنه خذت فتنة الحد --- تطوي فضا الفتنه بفتن الفضاوه

تستغفل الغفلة تودد ولا تود --- تستطيب الطيبه لحد الغباوه

تسرق تفاصيل الصدى لاخر الصد --- وتماطل ايام الرخا.. بالرخاوه

مدت لوصلي يد واقصتني بيد --- لا ذقت وصل ولا شعرت بجفاوه

راودتها ردت.. ترود.. وترتد --- تريد.. تتردد.. تردد.. رداوه

ولني ما احب اصلا اثقل على حد --- خذت القصير من الحفا والحفاوه

حلوه وتتغلى ولا جات للجد --- عادي تغلى من لها هالحلاوه

للشاعر: علي السبعان

قصيدة رائعه يعطيك العافيه بجد خيار موفق

قصيـــــدة جميلة جدا وغريبه فيها كلام متناسق بمفردات متضاده من السهل الممتنع على قولتهم
مشكوره مون ومو غريبه عليك