تبين الكذب ما أحبكـ ... تبيـن الصدق مجنونك

تبين الكذب ما حبكـ ... تبين الصدق مجنونكـ
فديتكـ وش بقى فيني .. مشاعر ما خذيتيها ؟


صباح الخير يا عمري ... صباح الخير وشلونكـ
دريتي باخر اخباري؟ .. شراييني وسكنتيها


وحشتيني من البارح ... يا بختي صرت مفتونكـ
اجي من حسرتي اشتم ... دقايق عني غبتيها


حياتي مالها معنى ... اذا لحظه تمر دونكـ
احاسيسي بدون اشعر ... اسرتيها وملكتيها


وش اللي يختلف عنهم؟ .. عناقيدكـ او غصونكـ؟
حسبتكـ مثلهم لاكن .... أثاريكي قلبتيها


قلبتي الطاوله فعلا ... على مهل وعلى هونكـ
وغيرتي كثير اشيا .... ورديتي عدلتيها


وش اللي جابني يمكـ؟ غديها ضحكة سنونكـ؟
يجوز اصلا انا اهبل .... اصدق لو ضحكتيها


وش اللي جابني يمكـ؟ غديها غمزة عيونكـ؟
يجوز اصلا انا احمق ... اصدق لو رمشتيها


عجبتيني في كل حاجه ... من ابهامكـ الى متونكـ
جواهر بعضك وكلكـ ... باحاسيسكـ جمعتيها


يلوموني احبكـ؟ لا ..... من اللازم يلومونكـ
كتاباتي وأشعاري ..... مهو انتي كتبتيها !!


وقيعاني سقيتيها ..... سحايب وبلها مزونكـ
على كيفكـ على كيفكـ ... دخيل الله رويتيها


احبكـ! او تحبكـ ! او يحبكـ! او يحبووووووووونكـ
انا وروحي ووجداني ... وأحاسيس(ن) سلبتيها


امانه خبري اهلكـ ....امانه لا يهدونكـ
ترى شمس البشر تشكي .. بأنكـ جد سحرتيها


وعلى فكرهـ قبل لحكي ... بأني صدق مجنونكـ
طلبتكـ قهوهـ ع الريحه..... ويبدو لي حرقتيها

اقتباس :

وش اللي جابني يمكـ؟ غديها ضحكة سنونكـ؟
يجوز اصلا انا اهبل .... اصدق لو ضحكتيها


وش اللي جابني يمكـ؟ غديها غمزة عيونكـ؟
يجوز اصلا انا احمق ... اصدق لو رمشتيها

يعطيك العافيه

اقتباس :

وحشتيني من البارح ... يا بختي صرت مفتونكـ
اجي من حسرتي اشتم ... دقايق عني غبتيها

قصيده رائـعه يعطيك العافيه