غريبه كيف هالدنيا تخيّب فـي رجاهـا ظنـون.!!

الا يا هاجس الذكرى تعـال وغيـر المضمـون




مدام الوقت ما يسمح يداوي مـن شقـاه الحـال




;;;;;;;;;;



تعال و شوف بعيونـك اذا باقـي عليـك ديـون




حقوق(ن) تجبر الخاطر نمني في سماهـا الفـال




;;;;;;;;;;



تعبنا وكل ما فينـا يعانـي فـي حمـاه طعـون




نقلب صفحة الماضـي ويقلـب همّهـا غربـال




;;;;;;;;;;





حكايه ببتدي فيهـا وابكشـف سرّهـا المكنـون




ابكتبها من الواقـع و اغيـر بالرمـوز اشكـال





;;;;;;;;;;




حكاية طفلة(ن) حبت وهامـت بالجنـون جنـون




تحسب ان الزمن مورد على كيف البشر ينهـال




;;;;;;;;;;



تمادت بالهوى وغنت على نبض الغـلا بلحـون




تبي تاقف على المشراف تشوف اللي بقلبه مـال




;;;;;;;;;;





تبّين حبّها بلحظـه وتخـاف النـاس لا يـدرون




تبي من هو خذاها بشوق تعيشه بالحنايـا ظـلال





;;;;;;;;;;




تنادي يا أشواق روحي يانبض(ن) بالخفوق يمـون




تعال ارجوك نبنيها علـى قمـة فضانـا جبـال





;;;;;;;;;;




على شط الوفاء نبحر نداعـب حلمنـا الميمـون




انا ويـاك لا ثالـث سـوى حـب عليـه آمـال




;;;;;;;;;;




ولبى الصوت مغناها وجاهـا بالحضـور فنـون




وسط قلبه يشيل هموم كثيـره و الحمـول ثقـال



;;;;;;;;;;




لفاها عاشق(ن) مغـرم غرامـه تنتشيـه عيـون




يحب و خاطره يصرخ كفايـه يازمـن ترحـال




;;;;;;;;;;




يبي جذع الغلا يكبـر يحيطـه بالهيـام غصـون




قفص في لونه الوردي مـداد بالزمـان أجيـال




;;;;;;;;;;




حلال(ن) حلّله ربي علـى سنـة نبـي الكـون




شموخه يبتدي بساسه ثمـاره بالضجيـج اطفـال




;;;;;;;;;;




ولكن آه من لكن نبت بـأرض الغـرام اشجـون




تداعت كلها ضده وظبـي الحـب جـاه جفـال




;;;;;;;;;;




ظروف(ن) قررت تاقف على حد الهوى بحزون




تفرق عشرة الاحبـاب وتقطـع لشعـور حبـال




;;;;;;;;;;




رمت حلم الصغيره بعيد من احلام(ن) بها المفتون




وقالت للحبيب ارحل تـرى مالـك بهـا منـزال




;;;;;;;;;;




سرى وموجه يهيج أحزان وقلبه يحترق مغبـون




يبيها لكـن الحيلـه ضعيفـه والزمـان أهـوال




;;;;;;;;;;



وصاحت طفلة الأشجـان الا يادنيتـي وشلـون




تخوني لهفة آمالي وانا اللي بـه نخيلـي طـال





;;;;;;;;;;




ترى كلك بلا حضوره بـلا طعـم وبليّـا لـون




فقيره والفقر كافر يبـاري فـي همومـي جـال




;;;;;;;;;;




ولا ردت لهـا كلمـة وخلـت قلبهـا مطعـون




يتـوه بعالـم أوجاعـه وينهـي قصتـه رحّـال




;;;;;;;;;;




غريبه كيف هالدنيا تخيّب فـي رجاهـا ظنـون




وتقتل ساعة الفرحه على صوت الجحيـم آجـال





;;;;;;;;;;




حكايه خطها حبـري كتبـت حروفهـا بالهـون




من الواقع شذاها فاح ما بين الميم وحرف الـدال





;;;;;;;;;;




خفايا كوكب(ن) ثاني حزيـن وعالمـه يشكـون




ظلام الوقت والحسره وظيقة مـا تجـي بالبـال




;;;;;;;;;;





وانا في عالم الذكرى اذا باقـي لهـا مضمـون




مدام الوقت ما يسمح يداوي مـن شقـاه الحـال