تبي تعرف وش تكون بحياتي

تبي تعرف وش تكون بحياتي


تبي تعرف قيمتك والغلا كيف


تبي تعرف وش دعيت بصلاتي


تبي تعرف قصتي دون تحريف


فكرت اقول ,, ورااااح فكري شتاتي


بغيت اجمع واصبح الوضع تصريف


بغيت اعبر عن حنين بذاتي


بغيت اصفك وضاااع فيك التواصيف


وقلت اختصر !! مكانتك ياحياتي


فوق النجوم العاليات المشاريف


ولو قلت لي كيف الغلا ياغلاتي


اسئل خفوقً عقبكم حرم الكيف


وعيوني اللي ساهره ماتباتي


وجسماً براه البعد ونحفه تنحيف


ولو قلت لي وش قيمتك ياغناتي


مالك ثمن لو زيد فيك التكاليف


ولو قلت لي وش قلت لك في صلاتي


دعيت لك ودموع عيني مذاريف


انه بحفظه يحفظك ياحياتي


ويكفيك شر الحاسدين الملاقيف

مما راق لي...