دخيـل اجمـل عيـون اللـي شقاوتهـا تـهـد جـبـال

طفـح كيـل القصيـد اللـي نزفتـه وابـتـدا الـمـوال
............... وانا لازلت ادور لك كـلام يستـر اوراقـي


ادور فــي مجاهـيـم القصـايـد مايثـيـر الـبــال
............... عساني لاوصفت اوصف حلاك وأكسر وثاقي


انـا لا شفـت هالكحـل بطـرف عينـك ازيــد هـبـال
............... وازيد من الجنون اكثر جنون وانثر اشواقي


دخيلـك لا تناظرنـي تـرى بعـض العـيـون خـبـال
............... دخيلك لا تزيد الطين بله وانت في اعماقـي


دخيـل اجمـل عيـون اللـي شقاوتهـا تـهـد جـبـال
............... دخيلك لاتجننـي بهـا ثـم تنـوي فراقـي


دخيل احلا عيـون اللـي بهـا سحـر وشمـوخ رجـال
............... تخليني معاها ارحل بعيـد وتوسـع افاقـي


دخيـل اجمـل جديـل طـاح مـن عالـي مثـل شــلال
............... على خصر نحيل فوق صدر كمـل الباقـي


دخيلـك والهـوى لا مـن تحـرك ثـم جديـلـك مــال
............... يميل القد مع ميل الجديـل ومعـه خفاقـي


دخيل اجمـل حريـر اسـود سـواده فـاق سـواد شـال
............... تخليني على زندك انام واغمـض احداقـي


دخيـل الجيـد والعاتـق دخـيـل النـحـر والسلـسـال
............... دخيل الشفتين اللي تضيـع هقـوة الهاقـي


دخيل الخال في صـدرك دخيـل اجمـل صـدر بـه خـال
............... دخيل الضمتين ورجفـة الخفـاق وعناقـي


دخيـل السلسبيـل اللـي بصـدرك والـعـرق لا ســال
............... تخليني وسطه اغرق الين اوصل لترياقـي


وانـا لاقلـت بغـرق بـك ابغـرق ماعليـهـا جــدال
............... ابغرق لين يذبحني ضماك ويطفش الساقـي


دخيلـك يـوم انـا جيتـك وجيـت بشيطـنـة اطـفـال
............... تخليني على الفطره كذا لاتنـوي اغراقـي